رسالة خريجي الدفعة الخامسة نووية

رسالة خريجي الدفعة الخامسة نووية 🇪🇬☢️
‏كأنني مصاب بلعنه الفقد كلما احببت شئ فارقني.
في البداية حابب اشكر كل الي ساعدونا علي مدار الخمس سنين المدرسة و القائمين عليها كانو ليهم فضل كبير علينا بعد ربنا في الي وصلناله ولازم نعبر عن الامتنان للمجهود المبزول من :
مدير المدرسة المهندس/ احمد فتحي
وكيل المدرسة استاذ/ عبدلله الماجد
وشكر خاص لاستاذ/ ابراهيم علوان وكيل شئون الطلبة علي كل ما قدمة للدفعة من تسهيلات و خدمات
وكل المدرسين الي مبخلوش علينا ب اي معلومة تخلينا فعلا علي قدر كلمة متفوقين
خالص الشكر والتقدير لكل أعضاء هيئة التدريس بالمدرسة
٤ ايام و الرحله كلها بتنتهي الطريق الي الواحد بدأو لوحدو لسه فاكر اول يوم دخلت فيه المكان و ازاي كنت مقفول ومش عايز اسيب بيتنا و فاكر الليالي وانا نايم عل سريري و حاسس بكميه وحده و توهان و قد اي انا مش في مكاني احساس سنه أولي وانتا عيل مع ان بعدين اكتشفت ان الرحله عمرها مكانت فرديه الرحله كانت مع عيله بدأت مع اول يوم ليا فالمكان عمري مكنت أتخيل ان الواحد هيكون ليه عيله غير اسرتو و أهل بيتو و عمري مكنت أتخيل ان هيبقي ليا عيلتين واحده كبرت معاها وانا طفل و واحده اتكونت فاكتر مكان كنت بحس فيه اني لوحدي و اني معيش حد بس هنا لقيت الاخوات و الصحاب و السند في الدنيا و لقيت الي بيهون عليا أيامي و يقاسمني اللقمه حتي و لو معهوش غيرها الي يدافع عني في اي موقف و نهون عل بعض بالهزار و الضحك و الي شايفني اخوه ويستأمني عل أهل بيتو يمكن انا مهما اتكلمت عن كميه الحاجات الي عشتها في المكان ده و كميه الزكريات مش هخلص بس انا الي كنت نفسي امشي في اول يومين ليا لو الطريق ده أتعرض عليا مليون مره هوافق عليهم كلهم الواحد بيتمني الخمس سنين يتعادو من الاول هتفضلو اجمل ايام حياتي بعيدا عن كل الظروف الي مرينا بيها سوا بس مدام سوا فاحنا قد اي حاجه و هتفضلو زكرياتي الحلوه الي هحكي عنها لولادي و الي عمري مهنساها انا عارف اننا مش هنبعد مهما حصل عشان الي بينا مش صحاب احنا اهل وأسره واحده عمر ما الوقت و الزمن يفككها ربنا يخليكو ليا يا رجاله و شكرا للضبعه الي خلتنا سند وضهر بعض وعلمتنا كتير و خلت ليا بيت في كل مكان مفتوحلي ديما
أنت الذي كُنت تتذمر من المكان فلماذا عزّ عليك الرحيل
ومهما كانت النهايه اي هتفضلو انتو الي محلينها ومحليين القصه
Senior 2026⏳️✨️